سياسة الاسترجاع

آخر تحديث: 6 تشرين الأول 2026

الشريحة الإلكترونية، بعد ما تنثبت على جوال، ما بتنفع ترجع أو تنباع لحدا ثاني. عشان هيك سياستنا بتعتمد على إذا الشريحة انثبتت أو لا.

بترجعلك مصاريك كاملة إذا:

• الشريحة ما انثبتت على أي جوال، وطلبت الاسترجاع خلال 30 يوم من الشراء.
• ما قدرنا نجهّز الشريحة بسبب مشكلة عنا أو عند المزوّد.
• الشريحة انثبتت بس ما اشتغلت أبداً بالبلد المقصود (ما انصرف منها ولا إشي)، وما قدرنا نحلّ المشكلة معك.

ما في استرجاع إذا:

• الشريحة انثبتت واستخدمت منها إنترنت، حتى لو ضل جزء من الباقة.
• انتهت مدة الباقة أو مدة التفعيل.
• مسحت الشريحة من جوالك بعد ما انثبتت.

كيف بترجع المصاري

• ابعتلنا على واتساب رقم الطلب وسبب الاسترجاع.
• منرجّع المبلغ لرصيدك بالحساب فوراً بعد ما نتأكد، وبتقدر تشتري فيه شريحة ثانية.
• إذا بدك المصاري نفسها، منرجعها بنفس طريقة الدفع (تحويل أو جوال باي) خلال 7 أيام عمل.
• إذا اشتريت عن طريق مكتب سفر، الاسترجاع بيرجع لرصيد المكتب، والمكتب بيتفاهم معك.

الرصيد اللي ما استخدمته

بتقدر تطلب ترجيع أي رصيد ما صرفته بحسابك، ومنرجعه بالتحويل أو جوال باي خلال 7 أيام عمل.

تواصل معنا

لأي سؤال عن هالصفحة: واتساب +972 56 602 0621.